Seleccións temáticas
Mostrando entradas con la etiqueta recursos. Mostrar todas las entradas
Mostrando entradas con la etiqueta recursos. Mostrar todas las entradas
martes, 3 de mayo de 2016
MES DAS LETRAS
Un importante recurso , elaborado polo IES San Paio , e que nos pode servir de moita axuda :
viernes, 15 de abril de 2016
Os soños de Manuel María
Enmarcado no proxecto anual da microrrede da Mariña , no presente curso a proposta enviada ás familias e titorías foi a de interpretar de maneira plástica a obra poética de Manuel María .
Os distintos Colexios participantes tratamos de abordar diferentes aspectos desta figura intelectual e da súa obra. Nunha primeira fase, a exposición de traballos faise na Biblioteca do centro
En torno a Manuel María xira
a nosa exposición no presente curso , pois engarza perfectamente co
obxectivo de recuperar a memoria tradicional.
É un dos poetas que mellor
describe as tradicións do mundo rural galego, a nosa paisaxe , os
miragres da natureza , a importancia da Lingua.
Imos na busca de lectores que
interpreten e reinterpreten a obra de Manuel María , sentindo e
facéndonos sentir agradecemento a unha Terra que baña os nosos
sentidos , impregnándoos do salitre mariñeiro, do verdor das nosas
fragas, do canto do cuco, do frescor dos ríos e manantiais, ...
Agradecemento tamén a unha
Terra que progresa , que acolle, que ensina e que vive.
martes, 12 de abril de 2016
O CORO, de visita en GERIATROS
A residencia Geriatros recibiu onte pola tarde a visita dos nenos e nenas do coro do Colexio . Está formado por voluntarios, lectores e cantores, de 3º, 4º, 5º e 6º . O seu repertorio componse de romances, pezas populares, cancións infantís, música tradicional e incorporaron ao repertorio neste curso e , xa que se achegan datas significativas para os nosas LETRAS , dúas compososicións con poemas de Manuel María :
O CARRO
O CUCO .
Unha actividade que conxuga a música, a literatura, a lectura, a solidariedade, o traballo colaborativo , ....
jueves, 7 de abril de 2016
APRENDIZAXES SIGNIFICATIVAS
Despois da xornada dedicada aos Xogos populares , o alumnado de 5º e 6º transformou, sacou conclusións ,vinculou as vivencias e os traballos de aula,e puxo en práctica os seus coñecementos das diferentes materias do curriculo a través dos xogos .
Para mostra esta recompilación de fichas didácticas.
Para mostra esta recompilación de fichas didácticas.
jueves, 31 de marzo de 2016
AUGA E ÁRBORES
Para sensibilizar da importancia de coidar as árbores e de conservar as riquezas acuíferas celebramos , ao longo da última semana do trimestre pasado e desta primeira da terceira avaliación, unha serie de actividades:
- Murales feitos cos libros cos que nos agasallou a Diputación de Lugo
- Mandalas da auga
- Plantacións e rotulación de árbores no patio
- Lecturas e obradoiros de escritura para achegar e profundizar no coñecemento destos bens.
- Finalmente cada alumno levou o libro - agasallo :
" O castiñeiro dos desexos"
" Érase unha vez un castiñeiro"
Textos de diferente tipoloxía están redactados por nenos e nenas de 5º que despois os leron para os seus compañeiros.
jueves, 17 de marzo de 2016
XOGOS POPULARES
Ao remate do segundo trimestre , como vén sendo habitual , temos unha xornada de xogos tradicionais , complementada cun bocata saudable .
Trátase de promover hábitos de exercicio, alimentación e recuperación e conservación das tradicións . Un patrimonio inmaterial que debemos conservar e transmitir.
Xa están expostos os materiais que mañá saírán ao patio , formando un circuíto que percorreremos para levar a cabo unha actividade lúdica e didáctica , na que nenos, pais e mestres xogaremos con materiais sinxelos, de fabricación caseira , baixo custe e que ofrecen oportunidades para poñer en práctica diferentes habilidades motrices e mentais.
Cada neno /a leva a súa pegatina para a promoción desta actividade lúdica . Realizada co deseño dunha alumna de 6º
DÍA DOS XOGOS on PhotoPeach
Día dos xogos on PhotoPeach
Día dos xogos on PhotoPeach
Trátase de promover hábitos de exercicio, alimentación e recuperación e conservación das tradicións . Un patrimonio inmaterial que debemos conservar e transmitir.
Xa están expostos os materiais que mañá saírán ao patio , formando un circuíto que percorreremos para levar a cabo unha actividade lúdica e didáctica , na que nenos, pais e mestres xogaremos con materiais sinxelos, de fabricación caseira , baixo custe e que ofrecen oportunidades para poñer en práctica diferentes habilidades motrices e mentais.
Cada neno /a leva a súa pegatina para a promoción desta actividade lúdica . Realizada co deseño dunha alumna de 6º
DÍA DOS XOGOS on PhotoPeach
Día dos xogos on PhotoPeach
Día dos xogos on PhotoPeach
miércoles, 17 de febrero de 2016
Día de Rosalía - 24 de febreiro
Proposta de actividades para esta conmemoración :
-Visualización da presentación sobre a vida e obra desta autora
Elaboración dunha postal rosaliana , en consonancia coa proposta enviada desde a AELG , pero con algunhas variantes . Este traballo consiste en :
- ler en aula algúns poemas da súa obra para que cada alumno/a escolla 4 ou 6 versos que deberá copiar na súa postal e facer unha ilustración que describa a significación dos mesmos e as sensacións que lle provoca a súa lectura.
- unha vez rematada a postal , pode levala á casa e depositala no buzón , facéndoa chegar así aos seus familiares o 24 de febreiro como agasallo conmemorativo .
Coincidindo co Día de Rosalía , fíxose entrega na biblioteca dos premios do "Concurso de cómic en galego" , convocado por EDL
Despois da realización das actividades de aula , recollemos algunha imaxe
viernes, 29 de enero de 2016
DÍA DA PAZ 2016
Hoxe , durante a mañá , celebramos O día da Paz . Por quinto ano consecutivo , o noso acto xira arredor da mellora do noso patio de recreo . Seguimos cos murais xigantes no pavillón . O lema elexido neste curso foi : " Un mar de Paz" . Todas as titorías participaron nunha celebración conxunta na que houbo contos, poemas , cancións e danzas . Para rematar, formamos un mar humano con nenos e nenas, pais e nais e mestres e mestras. Fixémolo sobre a pista vermella , ao mesmo tempo que soaba " Acuarela" de Toquinho e se soltaron unhas pombas.
Os traballos realizados en aula para a posta en común na celebración conxunta foron recollidos nun libro artesanalmente elaborado e que contén : álbum de fotos libro de sinaturas pola Paz libro recompilatorio de cancións, poemas, contos, ilustracións, etc...
viernes, 18 de diciembre de 2015
FIN DO TRIMESTRE
Esta mañá remataron os actos de Nadal na escola , foron moitos e moi diversos :
exposición e concurso de postais e outros murais,
colocación dos beléns e dos reis magos nos dous edificios ,
IV San Silvestre , coa participación de pais/ nais , alumnos/as e mestres/as,
presentación do calendario da Historia de Viveiro ,
participación no mercadiño de Geriatros e , por último,
cabalgata de Papá Nöel
Hoxe, a cabalgata de Papá Nöel partiu dos xardíns Noriega Varela para chegar ao noso centro , a través da Ponte da Misericordia .Ademais da participación de toda a comunidade , contamos coa colaboración do Concello e da Policía municipal. Grazas a todos .
Na comitiva había carrilanas, músicos, malabaristas , zancos, cordas , cánticos ,...e ata un carriño , cargado de ilusións e transportado polos participantes máis pequenos .Pechando o desfile , apareceu Papá Nöel , montado sobre un burro ( facendo un guiño a unha especie en perigo de extinción ) . Unha parte do alumnado esperaba no Colexio para recibir a esta comitiva cantando panxoliñas e lendo o Pregón .
Despois, Papá Nóel tivo ocasión de falar cos nenos e nenas , agasallándoos cun bocadillo de chocolate e o noso calendario .
miércoles, 16 de diciembre de 2015
PRESENTACIÓN DO CALENDARIO
O calendario elaborado nas aulas de 5º e 6º foi presentado onte pola tarde na Biblioteca. Asistiron pais, nais, mestres e o propio alumnado que deu lectura aos textos que eles elaboraron , ao mesmo tempo que explicaron como fixeron as ilustracións . Para rematar , os alumnos e alumnas de 6º leron o pregón que abre O Nadal escolar do presente curso.
viernes, 11 de diciembre de 2015
CALENDARIO
Chega Nadal e son moitas as actividades que se suceden ao longo deste mes . Unha moi completa é a elaboración do calendario para o vindeiro ano . Supón un esforzo de búsqueda, síntese, elaboración e organización . Feito polo alumnado de 5º e 6º , será presentado á comunidade educativa o vindeiro martes na biblioteca.
miércoles, 2 de diciembre de 2015
Actividades artísticas
Comezamos o mes de Nadal e con el moitas actividades complementarias e extraescolares .O coro do Colexio estivo en Betania o pasado sábado para cantar, interpretar , dramatizar ,.... Esta formación renóvase cada curso , pois en xuño despedimos ao alumnado de 6º e en outubro damos a benvida aos alumnos e alumnas de 3º que se incorporan voluntariamente a el. O seu traballo prepárano en horario extraescolar todos os luns pola tarde e algún sábado pola mañá. Un colectivo que , ademais de disfrutar e aprender música, aprende sobre colaboración, traballo en equipo, disciplina, compromiso, solidariedade, autocontrol, organización ..., entre outros valores.
Por outra banda, coñece as tradicións do noso pobo, a música popular,diferentes tipos de instrumentos, pequenas danzas, etc . Un mundo intimamente ligado á literatura e á lectura.
Para ver as fotos PINCHA
Outras actividades artísticas fixéronse nas aulas de 6º , interpretando " El grito"
viernes, 27 de noviembre de 2015
A ciencia, o mar e a aprendizaxe
No marco das actividades que desenvolve a asociación A Mariña- Ortegal , destinadas a coñecer máis e mellor o mundo do mar e outros aspectos relacionados coa vida marítima , o alumnado de 4º visitou o museo do mar na localidade veciña de San Cibrao .
Despois montaron no colexio unha exposición de cunchas , coas que aprenderon sobre formas, tamaños, colores e outros matices que diferencian a cuncha de distintos animais mariños . Observación científica, clasificación e aprendizaxe que van da man neste traballo de praia.
Clasifico cunchas on PhotoPeach
miércoles, 4 de noviembre de 2015
MES DA CIENCIA EN GALEGO
Nada mellor para empezar o mes que un manifesto do científico Jorge Mira .
Aparece recollido no blog das Bibliotecas escolares de Galicia :
http://www.edu.xunta.es/biblioteca/blog/
Para un humano primitivo, un cadro de Picasso só sería un trapo,
untado con graxas de cores, e un libro de Rosalía de Castro, un montón
de papeis con manchas negras. Para nós iso xa non é así, por mor da
educación que recibimos, que nos fai posible percibir beleza nesas obras.
O universo tamén posúe, nas leis que o gobernan, unha beleza
extraordinaria. Pero non é doado percibila: vai agromando ao longo
da historia, grazas ao traballo de brillantes heroes e, ademais, está
agochada para aquela persoa non formada cientificamente.
O descubrimento desa beleza foi un feito clave na vida das persoas
que máis tarde decidiron traballar na ciencia. Marabilláronse con
ela e comprenderon que tanto descubrila como crear con base nela
son o meirande reto intelectual e unha fonte de pracer diferente.
Afortunadamente, con ese proceso de descubrimento e creación
melloraron as nosas condicións de vida. Un dos signos máis evidentes do
avance humano é o seu progreso científico e tecnolóxico.
Cando un neno pequeno descobre algo que lle encanta, enseguida corre
a dicirlles aos seus pais: “Mirade isto!”. Ese mesmo instinto é o que lanza
a moitos científicos a divulgaren o seu coñecemento, a intentar que os
que os rodean vexan o mesmo que eles ven. Ocorre, porén, que ás veces
transmitir ese coñecemento non é trivial. Cómpre, polo tanto, un esforzo
de axeitada tradución da ciencia para poderllo contar á maior cantidade
de persoas.
Nese proceso, a lingua, como soporte das ideas, xogará un papel
fundamental. O galego, tanto pola riqueza que lle dá o seu milenio de
historia, como pola súa condición de porta aberta a centos de millóns de
persoas da lusofonía, é vehículo esencial para transportar masivamente
a ciencia e o labor dos moitos científicos de excelencia que temos en
Galicia.
Prezadas bibliotecas públicas e bibliotecas escolares de Galicia: grazas
por vos converterdes nas prazas públicas nas que isto se fará posible ao
longo do mes de novembro.
Texto do científico Jorge Mira Pérez
con motivo da celebración do Mes da Ciencia
lunes, 26 de octubre de 2015
Día das bibliotecas
Para esta conmemoración , os nenos e nenas de 5º e 6º prepararon un fermoso conto que fala precisamente de libros, lectura , escritores e bibliotecas . Eles fan unha versión resumida, ilustrada e traducida do orixinal " Los libros voladores de Morris Lessmore " . Vanse encargar de narrala, con axuda dunha presentación ,a todos os compañeiros e compañeiras de 1º, 2º, 3º e 4º.
Os libros voadores do señor Paco from bibliolois
Imaxes e voz do conto narrado polos diferentes grupos de 5º e 6º a todas as demais titorías do Centro .
Tamén se fixeron marcapáxinas alusivos a esta historia
Imaxes e voz do conto narrado polos diferentes grupos de 5º e 6º a todas as demais titorías do Centro .
Tamén se fixeron marcapáxinas alusivos a esta historia
jueves, 1 de octubre de 2015
As mochilas do curso 2015-2016
Xa están preparadas , cargadiñas de saberes e lecturas . Disfrutádeas !
A vindeira semana empezan a circular .
A vindeira semana empezan a circular .
Suscribirse a:
Entradas (Atom)




