DÍA DA PAZ

Os traballos de aula , previos ao acto final ,foron recompilados nesta publicación que se vai distribuír entre o alumnado



Inclúe unha páxina a favor da inclusión , na que nenos e nenas de 6º tratan de reproducir unha mensaxe a favor da paz con lingua de signos e pictogramas .
Neste día da Paz , o lema elexido e arredor do que xiraron  as nosas actividades foi :

" Mulleres pola Paz " .
Ás trece horas , xuntámonos no patio: os escolares,os mestres e pais /nais . Coordinados da man de Rebeca, celebramos este día con diferentes actuacións : bailes, cantos, divulgación , a modo de reseña, de diferentes mulleres loitadoras que contribuíron ao cambio do mundo , entre elas mención especial tivo Malala pola súa defensa dos dereitos das nenas , lectura de poemas e contos por parte de varias nais , ...

E, como remate, un enorme grupo de escolares, mestres, mestras , pais e nais bailaron xuntos " O vira do Minho" , que foi interpretado polos nenos e nenas de 6º .

E para ver outras fotos AQUÍ

REMATE DO ACTO

O vira do Minho from manuelmusica on Vimeo.

Nas aulas estívose a traballar esta temática de paz durante todo o mes e o traballo vaise recompilar nunha publicación que se gardará na Biblioteca como en cursos anteriores .

Día da Paz

Caderno de actividades :

Hoxe toda a comunidade educativa xuntouse no patio para celebrar O día da Paz . Neste curso tivemos como lema "Un tren de Paz" . Os nenos e nenas dos diferentes niveis participaron cantando, contando , bailando , ... e tamén unha nai leu un bonito poema . Para rematar formamos entre todos un longo tren arredor da nosa escola , coa esperanza de que viaxe sempre acompañado da TOLERANCIA.
O mural e o lema deste ano forma xa parte da parede do pavillón que loce colores e mosaicos que recollen mensaxes de Paz , formando unha artística exposición coa que pretendemos ir facendo un Colexio máis acolledor.

DÍA DA PAZ 2017 - Kizoa Editar Videos - Movie Maker

E os nenos e nenas de cuarto convídannos a subir no tren da paz

DÍA DA PAZ 2016

Hoxe , durante a mañá , celebramos O día da Paz . Por quinto ano consecutivo , o noso acto xira arredor da mellora do noso patio de recreo . Seguimos cos murais xigantes no pavillón . O lema elexido neste curso foi : " Un mar de Paz" . Todas as titorías participaron nunha celebración conxunta na que houbo contos, poemas , cancións e danzas . Para rematar, formamos un mar humano con nenos e nenas, pais e nais e mestres e mestras. Fixémolo sobre a pista vermella , ao mesmo tempo que soaba " Acuarela" de Toquinho e se soltaron unhas pombas.

Os traballos realizados en aula para a posta en común na celebración conxunta foron recollidos nun libro artesanalmente elaborado e que contén : álbum de fotos libro de sinaturas pola Paz libro recompilatorio de cancións, poemas, contos, ilustracións, etc...

Libro Da Paz 2016

Publish at Calameo

DÍA DA PAZ

O próximo luns imos celebrar O día da PAZ .Hai varias actividades programadas polos distintos mestres e equipos : 

• Un libro dixital , no que cada aula aporta traballos de diversa índole ( murais, poemas , contos , ilustracións ... ) 
• Un mural dixital
• Un marcapáxinas
• .Un acto conxunto no exterior do Colexio , para colocar dúas pombas de madeira que se alzarán pola parede do pavillón e quedarán como símbolo permanente das mensaxes de paz que os nenos /as transmitirán a través das súas lecturas de poemas , frases , contos e , para rematar todos cantaremos Let it be , recordando aos Beatles. Esta é a temática do noso marcapáxinas.