EXPOSICIÓN DE CÓMIC

Un ano máis chega o momento do noso certame de cómic, promovido polo equipo EDL . A temática deste curso , vinculada ao noso proxecto interdisciplinar "As cantigas populares ", consistiu en  transformar a tipoloxía textual dunha cantiga popular e adaptar o texto ao formato cómic. 
A participación foi moi grande e os resultados moi bos .Trátase dunha complexa tarefa  de creatividade,expresión escrita e artística.    

Exposición conxunta - Microrrede A Mariña

A semana da exposición conxunta chegou .Unha ducia de centros participantes no presente curso. Traballo , ilusión, esforzo e sobre todo ... ANIMACIÓN .

Variedade, singularidade, interpretación ,...A obra de Manuel María dá para moito . Ademais da exposición , as actividades de animación á lectura que presentan os escolares e mestres dos Colexios participantes comezaron hoxe. De todo:

música, danza,recitados,teatro,contos,...

Vou deixando algunha imaxe. 

 

máis información ENLACE

  E.. novas actuacións 

Día da muller traballadora

En homenaxe á muller traballadora, o Concello convocou un concurso - exposición de debuxo , no que participaron alumnos de 3º,4º,5º,e 6º.Cada nivel aportaba cinco debuxos á exposición . Con todos os restantes , elaborouse un mural que contribúe á sensibilización do alumnado coa temática. Os nosos nenos ven ás súas mamás así de traballadoras.

Día de Rosalía - 24 de febreiro

Proposta de actividades para esta conmemoración :


-Visualización da presentación sobre a vida e obra desta autora

Rosalía de Castro from bibliolois

Elaboración dunha postal rosaliana , en consonancia coa proposta enviada desde a AELG , pero con algunhas variantes . Este traballo consiste en :
- ler en aula algúns poemas da súa obra para que cada alumno/a escolla 4 ou 6 versos que deberá copiar na súa postal e facer unha ilustración que describa a significación dos mesmos e as sensacións que lle provoca a súa lectura.
- unha vez rematada a postal , pode levala á casa e depositala no buzón , facéndoa chegar así aos seus familiares o 24 de febreiro como agasallo conmemorativo .

Coincidindo co Día de Rosalía , fíxose entrega na biblioteca dos premios do "Concurso de cómic en galego" , convocado por EDL

Despois da realización das actividades de aula , recollemos algunha imaxe

Entroido 2016

O Entroido chegou hoxe á escola. Con esta celebración fixemos un percorrido no tempo, viaxando a través da historia,estudando no pasado e na diversidade de civilizacións .
Entroido 2016 on PhotoPeach
Entroido 2016 on PhotoPeach Entroido 2016 on PhotoPeach Entroido 2016 on PhotoPeach

Cultura castrexa from bibliolois

E despois de festexar o Entroido , montamos unha exposición para dar unha volta e aprender das diferentes civilizacións :
tipos de vivendas, monumentos , vestimentas e outros costumes.

DÍA DA PAZ 2016

Hoxe , durante a mañá , celebramos O día da Paz . Por quinto ano consecutivo , o noso acto xira arredor da mellora do noso patio de recreo . Seguimos cos murais xigantes no pavillón . O lema elexido neste curso foi : " Un mar de Paz" . Todas as titorías participaron nunha celebración conxunta na que houbo contos, poemas , cancións e danzas . Para rematar, formamos un mar humano con nenos e nenas, pais e nais e mestres e mestras. Fixémolo sobre a pista vermella , ao mesmo tempo que soaba " Acuarela" de Toquinho e se soltaron unhas pombas.

Os traballos realizados en aula para a posta en común na celebración conxunta foron recollidos nun libro artesanalmente elaborado e que contén : álbum de fotos libro de sinaturas pola Paz libro recompilatorio de cancións, poemas, contos, ilustracións, etc...

Libro Da Paz 2016

Publish at Calameo

CALENDARIO

Chega Nadal e son moitas as actividades que se suceden ao longo deste mes . Unha moi completa é a elaboración do calendario para o vindeiro ano . Supón un esforzo de búsqueda, síntese, elaboración e organización . Feito polo alumnado de 5º e 6º , será presentado á comunidade educativa o vindeiro martes na biblioteca.

Presentación do calendario 2016 from bibliolois