Recomendacións lectoras do alumnado de 6º

Ás portas de rematar o segundo trimestre , os nenos e nenas de 6º reflexionan sobre algún dos libros que leron e fan un pequeno comentario das súas preferencias , por se vos animades a lelos.

Os nenos e nenas de 6º A recomendan ler en vacacións from manuelmusica on Vimeo.

Semana da poesía

Son varias as actuacións a desenvolver nesta semana de árbores, auga, primavera, ...que teñen como referente lector a temática poética :

- Estamos montando a exposición na entrada do Colexio dun cantigueiro das árbores do noso patio . Neste ano de poesía e , máis concretamente de cantigas ( temática do noso PDI) , fixemos unha recompilación delas que falan de árbores que temos no patio . Esta exposición conleva unha pequena selección de libros sobre Natureza, auga, clima, árbores, etc.

Semana da árbore e a auga

Estamos a festexar a chegada da primavera e con ela a semana da árbore e a auga . Todas as aulas traballan sobre a importancia das árbores, a necesidade da auga, o coidado do medio,... e todo isto empeza no horto escolar , onde ademais de empezar coas plantacións e preparación de parcelas , estanse a aplicar conceptos de Matemáticas, como son a medida, áreas, perímetros, eixes de coordenadas, e moitas outras cousas .

O buzón do Galego

Unha nova actividade que se desenvolve no mes de marzo .Promóvese con ela o uso da lingua Galega na comunicación escrita . Trátase ademais dunha actividade para a mellora da convivencia . Cada padriño / madriña escribe como mínimo unha carta ao seu afillado /a . Por suposto , é obrigatorio o uso da lingua Galega e , como non pode ser doutra maneira , o/a afillado/a deberá contestar . Para todo elo , creáronse dous buzóns que se colocaron en ambos edificios do Centro e xa indican que unicamente se poderá depositar a correspondenza en Lingua Galega.

8 de MARZO - A MULLER TRABALLADORA

Moitos dos libros da nosa Biblioteca teñen como protagonistas as mulleres ; despois de ler o libro 10 niñas que se hicieron grandes, fixemos un resumo , a modo de presentación , para darvolo a coñecer . Se queredes saber máis , pasade pola biblioteca .




Tamén fixemos unha proposta de traballo na aula , que tivo unha excelente acollida e xa está exposta , xunto cunha selección de lecturas :

Cada alumno/a buscou , dentro do seu entorno máis inmediato , unha muller ( mamá, avoa, madriña, tía,...) que pola súa dedicación, carácter,méritos, sexa un exemplo a seguir para el / ela .
Fixo unha breve descrición dela , expoñendo o motivo da elección .
Ademais , nas aulas ABALAR, fixéronse carteis conmemorativos