martes, 16 de julio de 2019

Despedida do alumnado de 6º



Entre sorrisos e bágoas , despedímonos do alumnado de 6º . Fixémolo na Biblioteca e contamos cos alumnos/as , os seus pais e nais e o profesorado . Con palabras de agradecemento, esperanza , nostalxia e moita ilusión . Que teñades moi boa viaxe e ata sempre!

viernes, 14 de junio de 2019

GUÍA DE LECTURAS PARA O VERÁN



Proxecto correspondencia



Remata hoxe o" proxecto correspondencia", levado a cabo ao longo do curso polo alumnado de 3º de nivel do noso Colexio e o de Cedeira . Amizades que se fraguaron a través da escrita , nenos e nenas que estaban desexando xuntarse hoxe para poñer cara a unha relación establecida por carta . Unha iniciativa en prol da lectura, da escrita, pero tamén da convivencia.


GUAPA



Hoxe compartimos unha Hora de ler moi especial co alumnado de 2º A . Eles representaron unha obra de teatro , baseada nunha adaptación feita pola súa mestra , Rebeca, dun conto de igualdade e diversidade. " Guapa" . Con eles reflexionamos sobre o feito de querernos tal e como somos .

Abretumente






O alumnado de 5º do noso Colexio vén de acadar un primeiro premio no festival Cinedfest coa curtametraxe Abretumente . Un audiovisual moi inclusivo , baseado nas dificultades que aínda ás veces atopan as persoas con diversidade funcional.Por este merecido premio , onte recibiron unha calorosa homenaxe no noso Concello , onde foron aplaudidos e agasallados . Noraboa !

jueves, 6 de junio de 2019

Exposición A poesía que sentimos


A exposición conxunto da microrrede A Mariña toca ao seu fin . Un montón de colorido, divesas formas poéticas, que permiten empaparse da beleza dos sentimentos, as ideas, as paisaxes, a música ,...foi unha exposición fermosa e múltiple .

Pincha para ver ÁLBUM

martes, 28 de mayo de 2019

Novidades e enquisa da biblioteca



E chegaron un montón de libros novos ; libros para a igualdade, a diversidade, creativos, de imaxes, moi moi inclusivos .



A túa opinión tamén conta. Grazas por ofrecela



lunes, 27 de mayo de 2019

A poesía que sentimos

Na vindeira semana faremos exposición colectiva dos 16 centros que compoñen a microrrede . Temos ademais un amplo programa de actuacións que acompañan e dinamizan o espazo expositivo .

SEMANA CULTURAL DAS LETRAS GALEGAS



Para rematar este mes das Letras imos celebrar a nosa Semana Cultural en tres tardes diferentes, os días 28,29 e 30 , entre as 18:00 e as 20:00h., con invitación a todas as familias do noso alumnado.
A programación a desenvolver é a seguinte




Todos os días en aproximadamente 10 minutos farase unha breve presentación do autor homenaxeado e despois a danza, o teatro, as cantigas, a música ,...serán protagonistas da nosa festa.
Iremos vendo vídeos e fotos das actuacións.

I xornada no teatro Pastor Díaz

A escola de tócame Roque
os feirantes
A saia da Carolina
Quero ser ecoloxista- Dime que fixeches











II xornada no teatro


Piva para ver álbum completo RESTAURANTE FARRUCO
Romance das tres cautivas
Pica para ver álbum ROMANCE DAS TRES CAUTIVAS

Vén bailar Carmiña


Baile con...sorpresa!


VIDEOS













III xornada no teatro

A festa do patrón


Canción en lingua de signos


A miña tía


os tres porquiños


videos







jueves, 23 de mayo de 2019

CANTIGA DO MAIO


Desde épocas remotas celébrase en Viveiro a chegada da primavera , a festa que enche de color os campos . Trátase dunha tradición folclórica que consiste en construir diferentes figuras cubertas de verde e flores, elementos naturais arredor dos que se cantan coplas ou cancións irónicas, en ton humorístico.
No cole traballamos cos nenos e nenas de sexto nun pequeno obradoiro de cantigas , coplas e outros poemas e o produto final resultou ser esta canción :




O venres, 24 de maio,participaremos con varios grupos de alumnos/as nun acto colectivo na praza de Pastor Díaz , xunto con outros colexios. Despois , arredor das dúas da tarde, faremos no Colexio a nosa propia celebración , con maios feitos para a ocasión .
Moitas grazas a todas as familias por colaborar , como sempre, aportando materiais e vestimentas .

E chegou a celebración : Os maios na rúa e no Colexio. Pica para ver fotos

ÁLBUM



miércoles, 22 de mayo de 2019

A POESÍA QUE SENTIMOS



No presente curso a exposición conxunta da microrrede a Mariña leva por título :" A poesía que sentimos". Cada centro monta a súa propia exposición para os nenos/as e familias da súa comunidade e máis adiante , participaremos na macro exposición conxunta dos distintos Colexios.
No noso centro fixemos unha proposta de traballo diferente segundo o alumnado medra e vai cambiando de nivel ;co obxecto de favorecer unha exposición variada. Queremos que vexan como se percibe a poesía cos cinco sentidos ;
así as nenas e nenos de 1º e 2º van traballar sobre os poemas do gusto ;
os de terceiro, poemas do olfacto;
os de cuarto,e quinto poemas da vista e
os de sexto , os poemas do oído.

Imaxes da exposición no Colexio:

POEMAS DO GUSTO



POEMAS DO OÍDO



POEMAS DA VISTA


POEMAS DO OLFACTO

martes, 21 de mayo de 2019

Antonio Fraguas





Entre as actuacións programadas para a celebración do Mes das Letras , o alumnado de 6º elaborou esta breve presentación sobre a vida do homenaxeado, Antonio Fraguas.Ao mes tempo fixeron unha semblanza dos/as homenaxeados/as nos últimos 10 anos .

CARTACES LINGUA GALEGA


Esta é unha colección de cartaces a favor do emprego da nosa Lingua e para divulgar a importancia de coñecer o noso cantigueiro , tal e como fixo o autor homenaxeado nas Letras Galegas deste ano 2019.

jueves, 16 de mayo de 2019

Biblioteca creativa



Pouco a pouco imos facendo unha biblioteca máis creativa , coa incorporación de novas linguaxe e novos materiais . Aquí estamos experimentando coa Robótica . Pincha no enlace:



BIBLIOTECA CREATIVA

CAMIÑO DE SANTIAGO



De novo chegou O Camiño de Santiago , unha cita coa natureza, as tradicións, a cultura, a convivencia, os monumentos,...xa van moitas . Este ano tocou camiñar de Melide a Ribadiso ; despois achegámonos a Santiago en bus . Participaron desta volta os nenos e nenas de 3º,4º,5º e 6º , os mestres e mestras (13) e un nutrido grupo de pais/nais ( máis de 50) que nos acompañaron.
Este é un dos produtos finais dun proxecto de centro que ten como obxetivo xeral entender a necesidade de coidar a saúde , tanto a través da alimentación como do exercicio físico. Ademais o noso proxecto potencia a sensibilidade e admiración pola nosa terra , o noso patrimonio e as nosas tradicións .

Pincha nos enlaces para ver fotos :

CAMIÑO DE SANTIAGO




CAMIÑO DE SANTIAGO + fotos

lunes, 13 de mayo de 2019

O CORO NO CONSERVATORIO



Tamén polo mes das Letras , o noso coro visitou o Conservatorio ; nesta ocasión tamén os nenos e nenas estiveron acompañados por algunhas nais que fixeron danzas e unha que cantou . Unha magnífica colaboración , no intento cada día máis necesario de integrar a escola na Sociedade. O seu repertorio consta fundamentalmente de temas populares de Galicia , recordando ao estudoso do folclore e tradicións , homenaxeado neste ano , Antonio Fraguas.

Antonio Fraguas



Entrando xa na Semana das Letras Galegas , asistimos o pasado xoves ao teatro Pastor Díaz , convidados polo Concello, para achegarnos á figura homenaxeada este ano , Antonio Fraguas , e fixémolo da man de Charo Pita e Xoán Curiel.Un espectáculo marabilloso que xirou arredor dos relatos e cancións que Fraguas recolleu nas súas" Aportacións ao Cancioneiro de Cotobade"

jueves, 9 de mayo de 2019

O CHALANO



Acabamos de publicar o noso xornal escolar , con motivo do mes das Letras

lunes, 6 de mayo de 2019

APADRIÑAMENTOS

E chegaron os esperados apadriñamentos, como actividade final do mes do libro . Hoxe tocoulles aos padriños e madriñas de 6º e os afillados/as de 3º

A nosa proposta neste curso de poéticas diversas foi a seguinte:


1- Cada afillado/a, padriño / madriña escribe nun folio un poema . Sería moi bo que o poema fora inventado e escrito por eles mesmos , pero tamén se pode escoller un que lles guste e copialo .

2- O poema virá envolto de forma orixinal ( caixa, pergamino, cucurucho, frasco,...) e faremos un intercambio de agasallos entre padriños / madriñas e afillados/ as.

3- Unha vez que abran os respectivos agasallos , o padriño madriña lerá o poema que escribiu ao seu afillado/a e viceversa.

Trátase de que se fagan un agasallo que conteña poesía e o seu envoltorio sexa artístico ( outra maneira de percibir a poesía )
FOTOS , PINCHA PARA VER

Pincga no enlace para ver o álbum

Os de 5º apadriñan aos de 2º



E por último,os novos apadriñamentos. Pica para ver

ÁLBUM

MES DO LIBRO

Rematando coas actividades programadas con motivo do Día do libro , estamos a desenvolver durante esta semana a I FEIRA DO LIBRO USADO .Durante os recreos de hoxe, luns, e os vindeiros días , mércores e venres o alumnado está convidado a pasar pola Biblioteca e baixo o lema de " Dalle unha nova oportunidade" pode levar un libro gratuíto , tan só a cambio de escribir unha razón pola que escolle o libro . Así pretendemos que os libros procedentes do noso expurgo esta vez vaian ás casas do alumnado e tamén reflexionaremos sobre as razóns que temos para dar novas oportunidades aos libros.




Nesta primeira xornada de feirón , exitazo de visitas .

XOGOS DE MESA

Un recurso educativo e lúdico , propio da infancia, faise imprescindible na Biblioteca. Hoxe xornada de xogos didácticos co alumnado de 2º para favorecer o desenvolvemento cognitivo, socio e psico-afectivo , así como tamén motriz.
Un recurso con moito potencial , facilitado por unha biblioteca cada máis creativa.